Түркістан полицейлері ұялы телефон жымқырған азаматты ұстады

Кентау  ҚПБ-ға жергілікті тұрғын арызданды. Ол арызында өзінің  сауда-саттық үйіне  белгісіз біреулер түнгі уақытта кіріп,  3 бірдей «Айфон 12»  ұялы телефонын  жымқырып кеткенін көрсеткен. Осы оқиғаға байланысты тәртіп сақшылары хабар алысымен жолға шықты. Полицейлер оқиғаның мән-жайын анықтап,  күдікті ретінде танылған Алматы облысының  тұрғынын ұстады. Сондай-ақ тәртіп сақшылары орта жастағы күдікті азаматты ПБ-ға жеткізіп, орын алған жайттың ақ-қарасын ажырату мақсатында тергеу амалдарын жүргізді. 

image.png

Белгілі болғандай, күдікті азамат жәбірленушінің қол астындағы жұмыскері болып шықты. Жәбірленуші азамат  ұялы телефондарды  өз жұмысшысына сеніп тапсырған. Алайда күдікті сеніп тапсырылған  телефондарды  өз пайдасы үшін жымқырып, ізін суытқан. Сондай-ақ  күдікті қолды еткен  ұялы телефонды арзан бағада сатып үлгерген.  Полицейлер бұл жайтты ҚР Қылмыстық  кодексінің 189-бабы «Сенiп тапсырылған бөтен мүлiктi иемденiп алу немесе талан-таражға салу» бойынша тіркеді. 

Жәбірленушіге келтірілген жалпы шығын көлемі 1 500 000 теңге. Қазіргі таңда полиция қызметкерлері күдікті азаматқа қатысты  сотқа дейінгі  тергеу амалдарын жалғастыруда.

Өз кезегінде полицейлер тұрғындарға бейтаныс азаматтарға артық  сенім білдірмеуге шақырады.

ТО ПД-нің баспасөз қызметі

Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер