Түркістан облысында карантин талаптарын бұзушылар саны азаяр емес

c325993a-3ecb-44d4-8d10-61a02006f296.jpg

Карантин режимі аяқталмаса да, шектеу шараларын елемейтіндер қатары азаяр емес. Жақындары мен туыстарының басын қосып, көпшілікке той беріп, жиын жасап жатқандар әлі де анықталуда. Оған қоса халық көп шоғырланатын орындарда бетпердесіз жүріп, өз өмірін қатерге тігіп жүрген тұлғалар да баршылық.

Мәселен, Отырар ауданы Шәуілдір ауылында бірнеше жергілікті тұрғындардың азық-түлік дүкеніне карантин режимін сақтамай кіргендігі анықталды. Тәртіп сақшылары аталған жайттарды ҚР ӘҚБтК-нің 425-бабы «Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу» бойынша тіркеп, құжаттарды жинақтап, заңды шешім шығару үшін тиісті орынға жіберді.

Айта кететін жайт 2020 жылдың соңына қарай ҚР ӘҚБтК-нің 425-бабына байланысты 253 тұлғаға әкімшілік хаттама толтырылған. Оның ішінде жеке тұлғалар 209, отбасылық той-жиын жасағандар 35 (беташар-17, құдалық-10, қыз ұзату-4, көкпар-2, бесік той-1, ас-1).   

Облыс полицейлері ескертеді: карантин кезінде той-жиындар, басқосулар, отбасылық, мерекелік, ұжымдық іс-шараларды ұйымдастыруға тыйым салынған. Оған қоса бетперделік режим мен арақашықтықты үнемі сақтау міндеттеледі. Сондықтан заңға баршамыз бірдей бағынайық!

Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер