Балабақшадағы балалар есек етін жеп келгені әшкере болды

Screenshot_12.jpg

Грузияның кейбір мектептері мен балабақшаларында сиыр етінің орнына жылқы және есек еті берілген.  

Аджария, Имеретия және Гурия өңірлерінің балабақшалары мен мектептерінде балаларды жылқы және есек етімен тамақтандырған. Мұны сараптама нәтижесі растады, деп хабарлады "МИР 24" телеарнасы.

"Сынамалардан жылқы және есектің ДНҚ-сы табылды. Ал азық-түлікті тапсыру-қабылдау құжаттамасында сиыр еті деп көрсетілген. Бұл қылмыс. Жабдықтаушы компанияларға қатысты қылмыстық іс қозғауды талап ету керек", – деп мәлімдеді тәуелсіз сарапшы Теона Чхаидзе.

Мектепке дейінгі мекемелердің басшылары да жеткізілетін еттің сапасына күмәнданғанын жасырмады. Жабдықтаушылар зертхана сарапшылары беретін анықтамаларды тастамай кетуді жиілеткен көрінеді.  Грузияда есек және жылқы еті жарамды азық-түліктердің тізіміне кірмейді.

"Көптеген елде жылқы етін жейтініне қарамастан, Грузияда оны тұтыну мәдениеті қалыптаспаған. Ал есек етіне қатысты айтатын болсақ, тіпті ол жайында әңгіме де болмауы тиіс. Заңды бұзғандарға қомақты айыппұл салынады, тіпті ферманы жауып тастауы да мүмкін. Есек сүтінің емдік қасиеті бар, біз оны сатамыз, Денсаулық сақтау министрлігі рұқсат берген", – деп атап өтті фермер Георгий Ломидзе.

Мектептер мен балабақшаларға жалған сиыр етін жеткізген компаниялар сертификатынан айырылып, қызметін тоқтатты.

Құқық қорғау органдары зертханадан барлық материал алынғаннан кейін қылмыстық іс қозғалатынын мәлімдеді.  

Мүмкін сізді қызықтыратын тақырыптар:

  • Дариға Назарбаева: «Бізде ет бар, бірақ біздің нарықта неге қымбат?»
  • Рашид Аюпов: «Түркістандағы салынып жатқан жолдардың сапасы үнемі бақылауда болады»
  • Түркістанда өткен «Музейге сый» акциясында тұрғындардан 40-қа тарта жәдігер тарту етілді
  • Түркістандық баскетболшы қыздар топ жарды
  • Е.Жолдасов: «Жолаушылар поездарына бақылау басты назарда болады»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер