Қазақстанда балаларға мектепке бармауға заң түрінде рұқсат беру ұсынылды

image_750x_5b01462754b8c.jpg

Қазақстанда «хоумскулер» деп аталатын топ пайда болды. Олар дәстүрлі білім беруді жоққа шығарып, балаларға мектепке бармауға заң түрінде рұқсат етуді ұсынуда, деп хабарлайды Baq.kz ақпарат агенттігі «Алматы» телеарнасына сілтеме жасап.

Бұл өз бетінше білім алу жүйесін қолдап отырған ата-аналар тобы. Олардың айтуынша, дені сау бала мектепке мүлде бармай, үйде ата-анасы мен репетитордың бақылауында болады.

«Қазіргі бар білім жүйесі балаларды индустриалдық болашаққа дайындайды. Бұл мүлде басқа талаптар: тапсырманы бүге-шүгесіне дейін орындау керек, оның не қажеті бар екенін ойламайды, қоңырау соғылғанда сабаққа кіріп, сабақтан шығу керек, көп ақпарат алып, оны баста сақтау керек. Заманауи мектеп балаларды мүлде өзгеше, креативті ойлауды талап ететін, ақпаратты сақтауды қажет етпейтін, себебі, ақпаратты табу қазір өте оңай және өтірік пен шындықты ажырата алатын арғы күнге дайындауы керек. Өкінішке қарай, қазіргі мектептер балаларды өтіп кеткен кешегі күнге дайындап отыр», - дейді ата-аналар бастамасының төрағасы Светлана Друзь.

Бұл қозғалыс өкілдері отбасылық білім беруді заңдастыру туралы үкіметке бірнеше рет ұсыныс жолдаған. Алайда, нәтиже жоқ.

«Халықаралық тәжірибені қарастырсақ, шетелдегі балалар үйде, үй жағдайында білім ала алады. Бұл ата-аналардың қалауы, олар репетитор жалдайды. Ал Қазақстанда бұл әзірге заңмен реттелмеген, сондықтан бүгінгі күні балалар үйде оқи алады. Алайда, мұның барлығын жергілікті атқарушы органмен, білім беру басқармасымен келісу керек. Себебі, соңында ол бала бәрібір мемлекеттік стандартты игеруі керек болады», - дейді ҚР БҒМ Инклюзивті және арнайы білім басқармасының бас сарапшысы Ардақ Айтжанова.

Мүмкін сізді қызықтыратын тақырыптар:

  • Дариға Назарбаева: «Бізде ет бар, бірақ біздің нарықта неге қымбат?»
  • Рашид Аюпов: «Түркістандағы салынып жатқан жолдардың сапасы үнемі бақылауда болады»
  • Түркістанда өткен «Музейге сый» акциясында тұрғындардан 40-қа тарта жәдігер тарту етілді
  • Түркістандық баскетболшы қыздар топ жарды
  • Е.Жолдасов: «Жолаушылар поездарына бақылау басты назарда болады»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер