Шымкент қалалық сыбайлас жемқорлыққа қарсы қызмет департаменті төрағасының бұрынғы орынбасары Дәуренбек Қожабаев 11 жылға бас бостандығынан айырылды деп жазады rgmedia.kz тілшісі.
Шымкент қаласының қылмыстық істер жөніндегі мамандандырылған ауданаралық сотында қаралған қылмыстық істе оған «Аса ірі көлемде пара алу» бабы бойынша айып тағылды.
- Сот сотталушыны ҚК-нің 366-бабының 4-бөлігімен кінәлі деп танып, оған мемлекеттік қызметте лауазымды қызмет атқару құқығынан өмір бойына айырып, 11 жыл мерзімге бас бостандығынан айыру жазасын тағайындап, оған жазаны қылмыстық-атқару жүйесінің орташа қауіпсіз мекемелерінде өтеу белгіледі. Үкім заңды күшіне енген жоқ, - делінген Шымкент қаласының ҚІЖМС-ның баспасөз қызметі ұсынған ақпаратта.