"Ұятсыз фильмдер көбейіп кетті." Осылай деген мәжіліс депутаты Аманжол Әлтай тәрбиелік мәні бар картиналарды жасауға көңіл бөлу керегін айтты , деп хабарлайды RGmedia.kz тілшісі.
1Кино саласында қордаланған мәселе көп. Бір ақынымыз "Шәкен Аймановтармен бірге қазақ киносының ұяты кетті" деп айтып еді. Бүгінгі таңда кейбір саны бар, бірақ сапасы жоқ кинолар көбейіп бара жатыр. Ата-анасының баласымен бірге отырып көруге бет шыдамайтын ұятсыз кинолар көбейіп бара жатыр, - деген депутат тарихи киноларды көбейту керектігін жеткізді.
"Әсіресе тарихи тақырыптағы киноларды түсіруге көп көңіл бөлуіміз керек. Комедия жанрындағы фильмдердің кассасы көп болғандықтан кино түсірушілер осыған әуес болып кетті. Тәрбие тал бесіктен басталады. Егер ұрпағымызды жөндегіміз келсе, балаларға арналған анимациялық фильмдерге, балалардың тарихи, ұлттық тәрбие санасын қалыптастыратын өнімдерді көп түсіруіміз керек", - деді депутат.