Таксиден телефон ұрлап ұсталып қалды

Түркістан облысы әкімінің құққық бұзушылықтың алдын алу, тіркелген қылмыстың ашылуын жеделдету туралы тапсырмасын сарыағаштық тәртіп сақшылары талапқа сай атқарып келеді. Құқық қорғау органы қызметкерлері телефон ұрлаған күдіктіні ұстады.

Сарыағаш аудандық ПБ-нің кезекші бөліміне жергілікті тұрғын ұялы телефоны ұрлағаны жөнінде арызданған. Такси жүргізушісінің айтуынша, белгісіз тұлғалар оның автокөлігінен құны 70 мың теңге тұратын ұялы телефонын жымқырып кеткен. Аталған жайт ҚР ҚК 188-бабы "Ұрлық" бойынша Сарыағаш АПБ СДТТБТ-не тіркелді. Оқиға орнына келген тәртіп сақшылары жақын маңдағы аумақтарды аралап, куәгерлерден жауап алып, сондай-ақ бейнебақылау камераларын тексерді.

Бір аптадан кейін Сарыағаш АПБ-нің криминалдық полиция қызметкерлері жедел-іздестіру іс-шарасы барысында күдіктіні тұрғылықты жері бойынша ұстады. Ол бұрын бірнеше рет сотты болған Сарыағаш қаласының тұрғыны болып шықты. Өз кінәсін толық мойындады.

Тергеу барысында анықталғандай, ер адам жолаушы ретінде жәбірленушінің таксиіне отырған, содан жүргізушінің байқамай тұрғанын пайдаланып, ұялы телефонын ұрлап, қашып кеткен. Кейін телефон ұрлаған ұры оны сатып жіберіп, ақшасын өз қажеттілігіне жаратқан. Полиция қызметкерлері ұрланған телефонды айғақты зат ретінде алып, заңды иесіне қайтарды.

Өз кезегінде, Сарыағаш ауданының тұрғыны, қылмысты ашып, ұялы телефонын қайтарған Сарыағаш АПБ-нің жедел қызметкерлеріне алғысын білдірді.

Түркістан облысының полицейлері автокөлік иелеріне сақ болуды және мүліктерін қараусыз қалдырмауға кеңес береді. Сондай-ақ, салонда ұялы телефондар, құжаттар және басқа да құнды заттарды қалдыруға болмайды. Егер ұрлық немесе автокөлік ұрланса, тез арада полицияға 102 телефоны арқылы хабарласыңыз.


Мүмкін сізді қызықтыратын тақырыптар:

  • Полковниктің бала зорлау оқиғасына қатысы жоқ
  • 100 жастағы әжей полиция қызметкерлеріне алғыс айтты
  • Оқушыларға жол қауіпсіздігі туралы сабақ өтілді
  • Түркістан облысының полицейлері 10-нан астам мас жүргізушіні анықтады
  • Діни мазмұнда материал таратқан ер адамға айыппұл салынды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер