Қалтафон ұрлап құрықталды

телемашина.jpg

Бөтеннің мүлкін заңсыз иемдену ұрлық болып табылады. Түркістан облысы әкімінің тапсырмасымен полицейлер ел арасында құқықтық түсіндірме жұмыстарын жүргізсе де заң бұзшылар әлі де кездесуде. Соның бірін Сарыағаш ауданының тәртіп сақшылары ұстады.

Сарыағаш аудандық Полиция бөліміне жергілікті тұрғын арызданды. Жәбірленуші әйелдің айтуынша ол көлік жуу орталығына автокөлігін жудыруға беріп, қайта келгенінде көліктің салонындағы «Орро» маркалы ұялы телефоны жоқ екенін байқаған. Телефоны ұрлағанын білгеннен кейін, полицейлерден көмек сұраған. Аталған жайт СДТТБТ-не енгізіліп, ҚР ҚК-нің 188-бабы бойынша тіркелді.
Орын алған ұрлықты ашу мақсатында аудандық полицейлер шұғыл әрекетке көшті. Тәжірибелі полицейлерден жедел-тергеу тобы құрылып, жан-жақты іздестіру жұмыстары жүргізілді. Нәтижесінде ұялы телефонды жәбірленушінің көлігін жуған жас жігіт ұрлағаны анықталды. Ол жергілікті тұрғын болып шықты.
Тергеу барысында анықталғандай оңай жолмен ақша тапқысы келген жас жігіт ұялы телефонды білдіртпей ұрлап, алдағы уақытта сатып жібермекші болған. Алайда тәртіп сақшыларының қырағылығы арқасында күдікті анықталып, үйінен ұсталды. Ол өз кінәсін толық мойындады. Айғақты зат ретінде ұялы телефон алынып, заңды иесіне қайтарылды. Қазіргі таңда сотқа дейінгі тергеу амалдары жүргізілуде.
Өз кезегінде Түркістан облысы полицейлері азаматтарға бағалы заттарыңызбен, ұялы телефондарыңызға барынша абай болыңыздар деп ескертеді. Яғни, ұялы телефондарыңызды кез-келген жерге тастамаңыздар. Егерде сізде, осындай ұрлықтың құрбаны немесе куәгері болсаңыз, тез арада полицияның «102» телефонына хабарласыңыздар.


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер