Түркістан облысында қылмыс азайып келеді

алентаев.jpg

Түркістан облысында кәмелетке толмағандар арасындағы қылмыс саны азайып келеді. Бұл туралы Полиция департаменті Жергілікті полиция қызметі басқармасының аға инспекторы, полиция майоры Алихан Алентаев айтты.

Түркістан облысы аумағында жыл басынан бері кәмелетке толмағандар арасындағы құқықбұзушылықтың алдын алу мақсатында бірқатар жедел-профилактикалық "Жасөспірім", "Түнгі қаладағы балалар", "Қауіпсіз мектеп", "Құқықтық тәртіп" іс-шаралары өткізіліп, нәтижесінде қылмыс саны, оның ішінде кәмелетке жасы толмағандарға қатысты қылмыстардың саны  23 пайызға азайды. 

Алентаевтың айтуынша, құқық бұзушылыққа бейім 454 кәмелетке толмаған және бала тәрбиесіне немқұрайды қарайтын 232 қолайсыз отбасы Ішкі істер органының есебіне алынды. Ата-анасының бақылауынсыз жүрген 29 жасөспірім кәмелетке толмағандарды бейімдеу орталығына орналастырылды. Кәмелетке толмағандардың ісі және олардың құқықтарын қорғау комиссиясына 160 іс-құжат жолданып, комиссия отырысында қаралды. Құқық бұзушылыққа бейім үш жасөспірімді Кентау қаласындағы арнайы мектепке жолдау туралы Сот шешімі қабылданды. Бала тәрбиесіне немқұрайлы қарайтын сегіз ата-ана өз құқықтарынан айырылды.


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер