Қонаққа шақырған туысының телефонын жымқырған күдікті ұсталды

Телпон.jpg

Түркістан облысының Полиция департаменті облыс әкімі Өмірзақ Шөкеевтің қылмыстың алдын алу және істі шұғыл қарау, құқықтық мәселелерді реттеу туралы тапсырмасын жүйелі жүзеге асырып келеді. Тез ашылған іс елдің сенімін оятып, полицияның төрелігіне жүгінетіндер артып келеді.

Төлеби АПБ-не Леңгір қаласының жергілікті тұрғыны әйел арызданады. Жәбірленуші әйелдің айтуынша, үйіне туыстары мен көршілерін қонаққа шақырған. Қонақтар кеткен соң, өзінің «ОРРО» маркалы ұялы телефоны жоқ екенін байқайды. Жәбірленушіге келтірілген шығынның жалпы көлемі 170 мыңнан астам теңгені құрады. Осылайша ұрланған телефонын тауып беру үшін полицейлерден көмек сұрайды. Аталған жайтты тәртіп сақшылары ҚР ҚК-нің 188-бабы «Ұрлық» бойынша тіркеді.

Төлеби АПБ-нің тәжірибелі полицейлерінен құрылған жедел-тергеу тобы тез арада іске кірісті. Барлық қажетті іс-шараларды жүзеге асырып, қонақта болған барлық азаматтардан жауап алынды. Нәтижесінде, күдікті сол күні қонақта болған туысы болып шықты. Қазығұрт ауданының тұрғыны, ұялы телефонды ұрлағанын мойындады. Айғақты зат алынып, заңды иесіне қайтарылды. Күдіктінің бас шарасы «қолхат». Қазіргі таңда аталған жайт бойынша сотқа дейінгі тергеу амалдары жүргізілуде.

Түркістан облысы полицейлері азаматтарға өз бағалы заттарыңызға, ұялы телефон, әмияндарыңызға, одан бөлек алтын бұйымдарыңызға барынша сақ болыңыздар деп ескертеді. Үйлеріңізге жақын туыстарыңызға болмаса, көзтаныс азаматтарды кіргізбеңіздер.


Мүмкін сізді қызықтыратын тақырыптар:

  • Бейтаныс әйелдің сөмкесін алып кеткен ерлі-зайыпты ұсталды
  • Билік өкілін қорлаған адамның үстінен іс қозғалды
  • Көршісін ұрып өлтіріп қамалды
  • Карантин кезінде құдалық өткізгендер жауапқа тартылады
  • 11 адамның 3,5 млн теңгесін алдап алған адам ұсталды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер