Дүкендерде ұрлық жасаған күдікті ұсталды

толебиполиц.jpg

Түркістан облысының әкімі Өмірзақ Шөкеевтің тапсырмасы бойынша өңірде қылмысты азайту және істі шұғыл анықтау бойынша жүйелі жұмыстар жүргізілуде. Соның бірі – Төлеби ауданында полиция қызметкерлерінің қырағылығымен шешімін тапты. Полиция қвзметкерлері дүкен тонаған күдіктіні тез ұстады.

Төлеби АПБ-нің кезекші бөліміне жеке кәсіпкер, жергілікті 2 тұрғын арызданды. Жәбірленушілердің айтуынша, олардың дүкендерінен азық-түлік пен киім-кешектерін белгісіз әйел ұрлап кеткен. Төлебилік полицейлер осы ұрлық жайтын ашу мақсатында оқиға орнына тез арада келіп, қажетті шараларды жүзеге асырды. Камераларды мұқият тексеріп шығып, көрген-білгендерден жауап алды. Полицейлер жүргізілген жедел-іздестіру шараларының нәтижесінде небары жарты сағат ішінде күдікті әйел ұсталды. Тексеру барысында күдікті жас әйел жергілікті тұрғын, 4 баланың анасы болып шықты.
Тергеу анықтағандай, күдікті бірінші киім дүкеніне кіріп, сатушының қолы босамай жатқанын пайдаланып, ұрлық жасаған. Содан кейін таксиге отырып, 600 метр арыда орналасқан азық-түлік дүкеніне келіп, адам көптігін пайдаланып, керек-жарағын алып, кассаға ақша төлеместен, жай ғана шығып кеткен. Жәбірленушілерге келтірілген шығынның жалпы көлемі 100 мың теңгеден асады.
Қазіргі таңда аталған жайттарға байланысты ҚР ҚК-нің 188-бабы «Ұрлық» бойынша сотқа дейінгі тергеу амалдары жүргізілуде. Ұрланған заттар табылып, айғақты зат ретінде тәркіленіп алынып, заңды иелеріне қайтарылды. Түркістан облысы полицейлері түрлі ұрлықтардың алдын алу мақсатында сауда орындарына, ғимараттарға, үйлеріңізге бейнебақылау камералары мен дабылқаққыштар орнатуға кеңес береді. Ұрлық жайты орын алған кезде, тез арада полицияның «102» телефоны арқылы хабар беріңіздер деп ескертеді.


Мүмкін сізді қызықтыратын тақырыптар:

  • Бейтаныс әйелдің сөмкесін алып кеткен ерлі-зайыпты ұсталды
  • Билік өкілін қорлаған адамның үстінен іс қозғалды
  • Көршісін ұрып өлтіріп қамалды
  • Карантин кезінде құдалық өткізгендер жауапқа тартылады
  • 11 адамның 3,5 млн теңгесін алдап алған адам ұсталды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер