Заңсыз балық аулағандар жазаланады

Полиция қызметкерлері Сырдариядан заңсыз балық аулағандарды ұстады. Бұл туралы Түркістан облыстық Полиция департаментінің баспасөз қызметі хабарлады.

12 мамыр күні Отырар аудандық Полиция бөлімінің кезекшігіне жергілікті полиция қызметінің табиғатты қорғау полициясының инспекторы полиция майоры Айдос Камал Сырдария өзенінің жанында браконьерлер ұсталғаны жөнінде хабарлама жасады. Оқиға орнына жеткен жедел-тергеу тобының қызметкерлері Отырар ауылының маңындағы жайылымда тәртіп сақшылары Сырдария өзенінен электр тоғы арқылы балық аулап жүрген екі күдіктіні ұстағанын анықтады. Айғақты заттар тәркіленіп алынған екі күдікті азамат Түркістан қаласының тұрғындары болып шықты.

Полиция қызметкерлері күдіктілерді істің барлық мән-жайын анықтау үшін аудандық полиция бөліміне жеткізді. Браконьерлерден 15 келіге жуық балық пен балық аулау құралдары тәркіленді. Қазіргі уақытта аталған жайт ҚР ҚК-нің 335-бабы 3-бөлігі "Балық ресурстарын, басқа да су жануарларын немесе өсімдіктерді заңсыз аулау" бойынша сотқа дейінгі тергеу амалдары жүргізілуде. Аталған баптың санкциялары 6 мың айлық есептік көрсеткішке дейінгі мөлшерде айыппұл салу немесе сол мөлшерде түзеу жұмыстары, не үш жылдан алты жылға дейінгі мерзімге бас бостандығын шектеу, не мүлкі тәркіленіп, жеті жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айыра отырып, сол мерзімге бас бостандығынан айыру түріндегі жазаны көздейді. Өз кезегінде, Түркістан облысының полицейлері азаматтарға заңсыз балық аулау, сондай-ақ Қызыл кітапқа енгізілген жануарлар мен өсімдіктерді жою заң аясында жауапқа тартылатынын еске салады.


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер