Жетісай полицейлері түнгі рейдте де түсіндіру жұмыстарын жалғастыруда

жетсайполрейд.jpg

Әлемді дүрліктірген індетпен күресті күшейту және қауіпті сейілте отырып азаматтардың денсаулығын өорғау мақсатында Жетісай аудандық Полиция бөлімінің қызметкерлері күні-түні тынбай қызмет атқаруда. Бұл туралы Түркістан облысы Полиция департаментінің баспасөз қызметіне сілтеме жасап RGMEDIA.KZ ақпарат агенттігі хабарлады.  

Жетісай қаласында карантин жариялануына байланысты сағат 19:00 мен 06:00 аралығында қала ішінде көлік қозғалысына және адамдардың бейберет жүріп тұруларын шектеу шаралары енгізілді. Осы бағытта аудандық полиция бөлімінің қызметкерлері түнгі рейдтік іс-шараларды көптеп ұйымдастырып, көшеде беймезгіл уақытта жүрген адамдарды тоқтатып, төтенше жағдай тәртібін түсіндіру жұмыстарын жүргізуді жалғастыруда. 

Естеріңізге сала кетсек, тәртіпке бағынбаған азаматтарға Қазақстан Республикасының Әкімшілік құқық бұзушылық туралы Кодексінің 476-бабымен хаттама толтырылып, 20 айлық есептік көрсеткіш көлемінде айыппұлдар салынады. Түркістан облысының полицейлері өңір тұрғындарын төтенше жағдай тәртібіне бағынып, заң бұзбай сабырлық танытуға, аса мәжбүрлік болмаса үйден шықпауға шақырады.


Мүмкін сізді қызықтыратын тақырыптар:

  • Қызмет бабында қаза болғандардың жұбайларына құрмет көрсетілді
  • Бір күнде 4 ұрлыққа қатысты күдіктілер ұсталды
  • Түркістандық полицейлер республикалық сайыстан жүлдемен оралды
  • Түркістанға арнайы мамандар келді
  • Төлеби ауданындағы жер дауы Мұрат Қабденовтың бақылауында болады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер