Айтаханов мемлекеттік сананы журналистермен бірге нығайтады

айтажур.jpg

Шымкент қаласының әкімі Ерлан Айтаханов журналистерді мемлекеттік сананы бірге нығайтуға шақырды. Мұндай пікірін қала басшысы бұқаралық ақпарат өкілдерімен арнайы кездесуінде айтты.

Еркін форматта өткен жиында ұлттық идеология, мегаполисті дамыту мәселелері, жастар тәрбиесі төңірегінде журналистер қауымының ұсыныстарын тыңдап, пікір алмасты.

Шаhар басшысы негізінен инфрақұрылымды дамыту, баспанамен қамту, руханиятқа көңіл бөлу өзекті екенін айтып, болашақ жоспарларымен бөлісті.

– Шымкент қаласы мен Түркістан облысы әкімшілік тұрғыда бөлінгенімен бір-бірімен байланысы артып, ынтымақ-бірлігі нығайып, руханияты дами бермек. Елбасы Жарлығы екі өңірдің бір-бірін қолдап, бірлесе дамуына зор серпін бергенін түсінуіміз қажет. Келесі жылы Шымкент ТМД-ның мәдени астанасы атанып, ел көлемінде Абайдың 175 жылдығын атап өтеміз. Міне, сол себептен жастар тәрбиесіне көңіл бөлу, Абайдың ұлағатын ұрпақ бойына сіңдіру, сондай-ақ мемлекеттік сананы нығайтуда бірлесе жұмыс істеуіміз керек, – деді қала әкімі.

Ерлан Қуанышұлы БАҚ өкілдері тарапынан қойылған сауалдарға жауап беріп, алда мәселелерді бірлесе шешуге шақырды. Журналистер қауымымен тұрақты кездесіп тұратынын да мәлімдеді.


Мүмкін сізді қызықтыратын тақырыптар:

  • «Жеті жарғы» Мәртөебедегі мәслихатта қабылданды
  • «Мамыр өте Мәртөбеге кел!»
  • Шымкент инвесторлар үшін тартымды қала
  • Үшінші мегаполисте тауар қоры жеткілікті
  • Шымкентте заманауи өрт сөндіру депосы пайдалануға берілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер