Электр жөндеуші мамандығы – бүгінгі қоғамның негізін қалаушы маңызды салалардың бірі. Заманауи өмірде электр энергиясы барлық салаларда кеңінен қолданылады: тұрмыстық техникадан бастап, өнеркәсіп пен инфрақұрылымға дейін. Сондықтан электр жөндеуші мамандарының жұмысы ел экономикасының тұрақты әрі тиімді жұмыс істеуіне үлкен үлес қосады.
Бұл мамандықтың маңыздылығы тек техникалық дағдылармен шектелмейді. Электр жөндеушілер өз міндеттерін орындау барысында қауіпсіздік талаптарын мұқият сақтап, жұмыс істейтін нысандар мен адамдардың қауіпсіздігін қамтамасыз етеді. Электр құрылғыларының ақауларын уақытында анықтап, жөндеу жұмыстарының сапасын жоғары деңгейде орындау – кәсіби шеберлікті талап ететін күрделі жұмыс.
Электр желілерін жөндеуші — электр желілері мен жабдықтарының дұрыс , қауіпсіз жұмыс істеуін қадағалайтын білікті маман. Ол электр сымдарын, тіректерді, трансформаторларды т.б құрылғыларды тексеріп, техникалық қызмет көрсетеді. Ақау анықталған жағдайда, жөндеу жұмыстарын дер кезінде жүргізіп, электр қуатының үздіксіз берілуін қамтамасыз етеді.
Заманауи технологиялардың дамуымен бірге электр жөндеушілердің рөлі арта түсуде. Жаңа құрылғылар, күрделі жүйелер мен автоматтандырылған процестер электр саласының мамандарынан жоғары біліктілік пен үздіксіз білім жетілдіруді қажет етеді. Сондықтан, бұл мамандық болашаққа бейімделіп, жаңашылдыққа ашық болып қала береді.
Электр жөндеуші мамандары өздерінің қажырлы еңбегі арқылы қоғамға қажетті энергияның үздіксіз жеткізілуін қамтамасыз етеді, бұл өз кезегінде өнеркәсіптің дамуы мен халықтың тұрмыс сапасының артуына себепші болады.
Еңбек адамы – қоғамның нағыз тірегі. Ол өз маңдай терімен, адал еңбегімен дамудың, өсіп-өркендеудің негізін қалайды. Қай саланы алсақ та, еңбексүйгіш жандардың арқасында үлкен жетістіктерге жетіп отырмыз.Еңбек адамының ең басты қасиеттері – төзімділік, табандылық және адалдық. Қарапайым жұмысшыдан бастап, медицина, өнеркәсіп, ауыл шаруашылығы салаларындағы мамандардың барлығы өз еңбегімен қоғамға үлес қосады.Қазақ халқында «Еңбек етсең ерінбей, тояды қарның тіленбей» деген сөз бар. Бұл – адал еңбектің әрдайым жемісті болатынын көрсететін нақыл. Сондықтан еңбек адамына әрдайым құрмет көрсетіп, оның еңбегін бағалау – біздің міндетіміз.