Туристердің қауіпсіздігі – басты назарда

8a302964325e7f634a96ec5850f72733.jpg

Қазақстанның тарихи туризм ошағы саналатын Түркістанның туристерді тартуға әлеуеті зор. Әсіресе туристерге сапалы қызмет көрсету мәселесіне ерекше мән берілуде. Осы мақсатта жақында ежелгі Ұлы Жібек жолының бойында орналасқан шаһарда Полиция департаментінің негізінде көші-қон полициясы басқармасының жанынан жаңа – туристік полиция бөлімі құрылды.   Негізгі мақсат – еліміздің халықаралық имиджін арттыру, өңірге келген шетел азаматтарының қауіпсіздігі мен жайлылығын қамтамасыз ету. Сондай-ақ, оларды толғандырған кез-келген сұрағы бойынша ақыл-кеңес беру, келеңсіз жағдайлар орын алса көмек көрсету. Бүгінгі таңда Түркістан облысы Полиция департаментінің туристік бөлімшесі 10 қызметкерден тұрады, оның 5-і Қ.А.Яссауи кесенесінде болса, қалған 5-і Отырар ауданы полиция бөліміне, яғни Арыстан баб мавзолейіне берілген. Әр обьектіде модульдік түрдегі стационарлық бекеттер орналастырылды. Мамандар бейнетіркегіштермен, планшеттермен, рациялармен жабдықталған.    

– Қазір егемен еліміздің даңқы бүкіл әлемге аян. Содан болар, қатпарлы тарихы бар, тұмса табиғаты, кең-байтақ территориясы бар елді көргісі келетін шетелдіктер көп-ақ. Жасыратыны жоқ, өзге елдердің азаматтары Қазақстанды мұнайлы мекен, аумағы үлкен ел деп қана біледі. Бізге осы түсінікті тереңдетіп, туризммен де танымал бола алатынымызды дәлелдеу қажет. Ол үшін туристердің қауіпсіздігі алдыңғы орында тұруы тиіс. Осы тұрғыдан келгенде, туристік полицияның құрылуы өте дұрыс шешім деп есептеймін, - дейді  Шымкент қалалық ішкі істер органдары және Ұлттық Ұлан ардагерлер кеңесінің төрағасы, полиция полковнигі Сержан Тұрсынбеков.

Полиция қызметкерлері туристермен қарым-қатынас жасау үшін бірнеше тілді де меңгеріп алыпты.


Мүмкін сізді қызықтыратын тақырыптар:

  • Дариға Назарбаева: «Бізде ет бар, бірақ біздің нарықта неге қымбат?»
  • Рашид Аюпов: «Түркістандағы салынып жатқан жолдардың сапасы үнемі бақылауда болады»
  • Түркістанда өткен «Музейге сый» акциясында тұрғындардан 40-қа тарта жәдігер тарту етілді
  • Түркістандық баскетболшы қыздар топ жарды
  • Е.Жолдасов: «Жолаушылар поездарына бақылау басты назарда болады»
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер