Сыртқы істер министрі: Содырлар өз елдеріне оралуы мүмкін

Screenshot_1.jpg

Қазақстанның Сыртқы істер министрі Қайрат Әбдірахманов Сирияда жеңіліске ұшыраған содырлар өз елдеріне қайта оралуы мүмкін деп мәлімдеді. Бұл туралы Kazislam.kz сайтты жазды.

Министр террористердің өз еліне қайта оралуы Орталық Азияның бүкіл мемлекеттері үшін қауіп туғызатынын атап кетті. Сол себепті бұл мәселеге ерекше мән беру керектігін айтты.

«ДАИШ террористер тобы Сирияда жеңіліске ұшырағаннан кейін, қазір лаңкестердің өз елдеріне қайта оралу қаупі төніп тұр, оның ішінде Орталық Азия мемлекеттеріне, бұл мәселеге ерекше мән берген жөн», - дейді министр РИА Новости сауалына берген жазбаша жауабында.

СІМ басшысының айтуынша, Сирияның ішкі ахуалы неғұрлым тезірек қалыпқа келсе, тұрақсыздықтың бұл ошағы да ауыздықталатын болады. Бұл – Қазақстанның ресми ұстанымы, деді ол.

Сириядағы қарулы қақтығыс 2011 жылы басталды. 2017 жылдың соңында Сирия мен Ирактағы ДАИШ террористерінің жеңілгені туралы жарияланған. Алайда елдің кей аудандарында содырлардан тазарту шаралары жүргізіліп жатыр. Ахуалды реттеу бойынша бірінші кезекте саяси проблемалар мен босқындардың қайтарылу мәселесі шешімін табуы керек.



Мүмкін сізді қызықтыратын тақырыптар:

  • Дін мен діншілдік тақырыбы талқыланды
  • Қазақстан мен Өзбекстан арасында медициналық қарым-қатынас тереңдей түспек
  • Жеңіс күніне орай ардагерлер мен полицейлер арасында турнир өтті
  • 17 жылда 7 түрлі лауазымда қызмет атқарған Ерлан
  • Елімізде жеке құжат алу үшін жаңа салық енгізілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер