Танымал қазақстандық кәсіпкер әрі блогер Бейбіт Әлібеков соңғы шыққан iPhone бағасына қатысты өз ойын айтты. Гүлжан Қарағұсованың күйеубаласы өз пікірін Facebook парақшасында білдірген.
Отандық кәсіпкер 800 мыңға тарта тұратын ұялы телефонды барша қазақстандықтардың қолданып жүргеніне таңғалған.
"Ең мықты деген iPhone 775 мың теңге тұрады. Бұл дегеніңіз менің анамның жеті жалақысы. Соған қарамастан, бұл ұялы телефон жарты қазақсатндықтарда бар." , - деп шүйлікті блогер.
Әлібековтың айтуынша, оның қарамағында жұмыс істеген бойжеткен балқып-шалқып өмір сүрмесе де, үнемі соңғы үлгідегі телефондарды ғана ұстап келген.
"Астанада таусылмас саммиттер өтіп жатқанда, жарты Қазақстан далаға дәрет сындыруға барып, үйді көмірмен жағып жылытады. Біздің ел дәл осылай өмір сүреді" , - деп жазған Бейбіт Әлібеков.