Дәрігерлер науқасты тірілтіп алды

медики.jpg

Кезекшілікте болған түркістандық жедел жәрдем бригадасы клиникалық өлімге ұшыраған науқасты құтқарды. Бұл туралы RGMEDIA.KZ ақпараттық агенттігі хабарлады.

Түркістан қаласында облыстық жедел медициналық жәрдем станциясына бейтаныс әйелдің қоғамдық орында құлап жатқаны туралы хабар келіп түскен. Оған жедел жәрдем 7 минутта жеткен. Ес-түссіз жатқан әйелге дәрігерлер «клиникалық өлім» диагнозын қойыпты. Дегенмен, медицина мамандары шұғыл жүрек-өкпе жұмысын қалпына келтіру шарасын қолданып, науқастың беті бері қарады. 41 жастағы әйел клиникалық өлімнен кейін тірілді. 2-ші топ мүгедегі денсаулығына қатысты дәрігерлік есепте тұрады. 

– Өмір мен өлім арпалысын күнде көзбен көріп жүрген соң науқастарды құтқаруда бөтен ойға жол жоқ. Барлық күш-жігерімізді салып, дәрігерлік көмек көрсету менің міндетім деп білемін. Әрбір құтқарылған жан мен үшін үлкен қуаныш! –дейді Түркістан қалалық медициналық жедел-жәрдем қызметінің фельдшері Арман Сағидулат.

Дәрігерлер науқасты санитарлық көлікпен ауруханаға жеткізген. Түркістан облысының Қоғамдық денсаулық басқармасының хабарлауынша, қазір оның жағдайы бір қалыпты, өміріне қауіп төніп тұрған жоқ. 


Мүмкін сізді қызықтыратын тақырыптар:

  • Түркістан облысында коронавирус жұқтырған азаматтар қай аудандардан екені белгілі болды
  • «Қызметіне толық сәйкес емес» Ибрагимов Шөкеевті ұятқа қалдырды
  • Кеден бекеттеріндегі тепловизорлар коронавирус белгілерін анықтаған жоқ
  • Түркістанда жұмысшылардың тапшылығы мен қағазбастылықтан құрылыстар кешігіп жатыр
  • Бір жылда 1 млрд. 200 млн. теңге айыппұл өндірді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер