Түркістан облысында Мемлекет басшысының тапсырмасына сәйкес облыстың әлеуметтік-экономикалық дамуын қамтамасыз ету бойынша тиісті жұмыстар атқарылып жатыр. 2025 жылдың 11 айында қысқа мерзімді экономикалық өсім 114,4%-ды құрап (3 орын), негізгі макроэкономикалық көрсеткіштердің оң өсімі қалыптасты.
Өнеркәсіп өнім көлемі 1,4 трлн теңгеге жетіп, өткен жылдың тиісті кезеңімен салыстырғанда өсім 112,5%-ды құрады. 12-айдың қорытындысымен 113,0%-ға жеткізу жоспарлануда. Өсім негізінен тау-кен, тамақ өнімдері, жеңіл өнеркәсіп және машина жасау өндірістері есебінен орын алды. Өңдеу өнеркәсібінде 665,8 млрд теңгенің өнімі өндіріліп, өсім 110,9% деңгейінде қалыптасты. Есепті кезең жоспарынан 3,1%-ға артығымен орындалды (жоспар 107,8%). Жыл қорытындысымен өсім деңгейін 111,5%-ға жеткізу жоспарлануда.
Облыстың өнеркәсіптік әлеуетін дамыту мақсатында ағымдағы жылы өңдеу саласында 59 млрд теңгеге 18 жобаны жүзеге асыру жоспарланса, 11 айда 12 жоба іске қосылды. Осы арқылы 1192 жұмыс орны ашылды.