Айтаханов проблемаларды жасырмай шешуге шақырды

айтакогамкенес.jpg

Бүгін Шымкент қаласы әкім әкімі Ерлан Айтаханов қоғамдық кеңес мүшелерін проблемаларды жасырмай бірге шешуге шақырды. Бұл туралы шаһар басшысы қала әкімдігінде өткен аталған кеңестің кезекті отырысында айтты. 

Кеңестің күн тәртібінде спорт пен мәдениет саласын дамыту, ауылшаруашылығы және ветеринария саласы мен әлеуметтік маңызы бар азық-түлік тауарлары бағаларын тұрақтандыру мәселелері қаралды.

Мемлекет басшысы Қасым-Жомарт Тоқаев атқарушы органдарға, жергілікті билікке халықпен ашық әрі шынайы байланыс орнатуды тапсырғанын айтқан әкім проблемаларды жасырмай, керісінше шешу жолын қоғамдық кеңеспен бірлесе отырып қарастыру қажет екенін атап айтқан болатын.

– Біз проблемаларды жасырмай, керісінше шешу жолын қарастыруымыз қажет. Жергілікті қоғамдық кеңес осы бағытта бізбен тығыз байланыста жұмыс істейді деп сенемін. Ел мүддесі жолындағы әрбір жақсы әрекет азаматтың бағын ашып, абыройын көтереді. Сондықтан біз алдағы уақытта тығыз байланыста болып, қаланың ең өзекті мәселелерін бірге шешетін боламыз, – деді қала басшысы.


®RG media - ақпараттық агенттігі
Бөлісу тақырыбы: Айтаханов проблемаларды жасырмай шешуге шақырды