"Шымкент ситиге" алғашқы тұрғындар қоныстанды

Screenshot_9.jpg

Еліміздің үшінші мегаполисінде халық саны миллионға жеткені мәлім. Шымқалалықтардың көбейі баспанаға деген мұқтаждықты да арттырғаны сөзсіз. Бірінші кезекте көп балалы отбасыларға, жетім және ата-анасының қамқорлығынсыз қалған балаларға және басқа да әлеуметтік аз қамтамасыз етілген азаматтарды баспанамен қамтамасыз ету мақсатында қалада тұрғын үйлердің құрылысы қызу жүріп жатыр. мамандардың дерегінше Шымкентте жыл соңына дейін 828 пәтерлі 14 арендалық коммуналдық тұрғын үйлер берілетін болады. Бұдан басқа, «7-20-25» ипотекалық бағдарламалары арқылы 246 пәтерлі 5 кредиттік тұрғын үй берілсе,  «Тұрғын үй құрылыс жинақ банкі» арқылы Нұрсат тұрғын алабында 656 пәтерлі 11 кредиттік тұрғын үй, СПК «Шымкент» арқылы 1016 пәтерлі 24 кредиттік тұрғын үйлер тапсырылады.

Таяуда   «Шымкент сити» қалашығында орналасқан 9 көпқабатты тұрғын үйдің құрылысы аяқталып, 540 жалдамалы пәтерге жоғарыда аталған бірнеше санаттағы азаматтар қоныстанды. 

Бұл Елбасы Н.Ә.Назарбаевтың  белгілеп берген еліміздің жаңа әлеуметтік саясаты «Әлеуметтік қамқорлық» мемлекеттік бағдарламасы асясында жүзеге асырылып отыр. Көпбалалы отбасыларға баспана кілтін тапсырған қала әкімі Ғ.Әбдірахымов олардың «Шымкент сити» қалашығындағы алғашқы тұрғындары екенін айтты.

«Шымкент сити» қалашығы шаһарымыздың жаңа әкімшілік-іскерлік, мәдени орталығына айналады.  Бұл қалашықта халықтың қажеттілігі үшін барлық жағдайлар қарастырылатын болады. Әлеуметтік нысандар – мектептер мен балабақшалар, емханалар және  қала тұрғындарының тынығатын демалыс орындары, кино концерт залы, спорт кешені, конгресс холл және т.б. көптеген ғимараттар бой көтереді. Біздің ең басты мақсатымыз - қала тұрғындары үшін қолайлы жағдай жасау»,-деді Ғабидолла Рахматоллаұлы. 

Өз кезегінде «Шымкент ситидің» алғашқы тұрғындары қала басшылығына ризашылықтарын білдірді. 


Мүмкін сізді қызықтыратын тақырыптар:

  • «Жеті жарғы» Мәртөебедегі мәслихатта қабылданды
  • «Мамыр өте Мәртөбеге кел!»
  • Шымкент инвесторлар үшін тартымды қала
  • Үшінші мегаполисте тауар қоры жеткілікті
  • Шымкентте заманауи өрт сөндіру депосы пайдалануға берілді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер