Қоғамның дамуы мен өркендеуі – ең алдымен еңбек адамдарының тынымсыз еңбегінің нәтижесі. Елдің экономикасын көтеріп, әлеуметтік өмірін жақсартуда әр салада қызмет етіп жүрген қарапайым жұмысшылардың, ұстаздардың, дәрігерлердің, инженерлердің, құрылысшылардың, мәдениет және ауыл шаруашылығы қызметкерлерінің еңбегі орасан зор.
Еңбек адамдары – қоғамның негізгі қозғаушы күші. Олар өз ісіне адалдықпен қарап, күнделікті қызметін абыроймен атқару арқылы елдің тұрақтылығы мен дамуына үлес қосады. Еңбек – адамды тәрбиелейді, шыңдайды, мақсатқа жетелейді. Сол себепті еңбекке құрмет – елге құрмет деп айтамыз.
Бүгінгі таңда мемлекет тарапынан еңбек адамдарына қолдау көрсетіліп, олардың еңбегін бағалау бағытында көптеген шаралар жүзеге асуда. “Еңбек адамы” ұғымы қоғамда ерекше мәртебеге ие болып, еңбекқорлық пен жауапкершілік үлгісі ретінде насихатталып келеді.
Шын мәнінде, еңбек адамдарының рөлі – тек экономикалық емес, рухани мағынада да маңызды. Олар – жас ұрпаққа үлгі, қоғамның бірлігі мен тұрақтылығын қалыптастырушы тұлғалар. Әрбір еңбек адамының жетістігі – елдің дамуы мен болашағының кепілі.
Еліміздің әлеуметтік-экономикалық дамуы әрбір сала мамандарының қажырлы еңбегіне тікелей байланысты. Білім, медицина, құрылыс, ауыл шаруашылығы, өнер, жол-көлік, өнеркәсіп сынды салалардың барлығында күн сайын тер төгіп жүрген мыңдаған еңбек адамдары бар. Олардың әрқайсысы – өз ісінің шебері, қоғам дамуының белсенді қатысушысы.
Сала мамандарының еңбегі – ел игілігі мен халықтың тұрмыс сапасын арттырудың басты тетігі. Мысалы, ұстаздар жас ұрпаққа білім мен тәрбие беріп, болашақ буынды қалыптастырса, дәрігерлер халық денсаулығын қорғауда аянбай еңбек етеді. Құрылысшылар мен инженерлер елді мекендерді көркейтіп, жаңа нысандар тұрғызады. Ал ауыл шаруашылығы мамандары елді азық-түлікпен қамтамасыз етіп, экономиканың берік негізін қалайды.
Осы орайда Шымкент қаласында «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағының қалалық филиалының ұйымдастыруымен салтанатты жиын өтті.
Іс-шараның басты мақсаты – ел дамуына адал еңбек етіп жүрген сала қызметкерлерін марапаттау, олардың қоғамдағы мәртебесін арттыру және кәсіподақ қозғалысының бірлік пен тұрақтылық жолындағы рөлін айқындау болды.
Жиынға қаладағы мемлекеттік мекемелердің басшылары, кәсіподақ комитеттерінің төрағалары мен төрайымдары, сондай-ақ түрлі салаларда абыройлы қызмет атқарып жүрген еңбек озаттары қатысты.
Салтанатты іс-шара барысында Шымкент қаласы әкімінің, қалалық мәслихаттың, Қазақстан Республикасы Кәсіподақтар федерациясының және «Қызмет» салалық кәсіподағының марапаттары табыс етілді.
Марапаттарды «Қызмет» салалық кәсіподағының Шымкент қалалық филиалының төрағасы Серік Әуесханов табыс етті.
Шымкент қаласы әкімінің Алғыс хатымен:
• Абуова Клара Жақыпбекқызы – Шымкент қаласының жұмыспен қамту және әлеуметтік қорғау басқармасының «№2 арнаулы әлеуметтік қызметтер көрсету орталығы» коммуналдық мемлекеттік мекемесінің кадр инспекторы, бастауыш кәсіподақ ұйымының төрайымы;
• Жиенбаева Айнұр Айтбайқызы – Шымкент қаласының «Алтын балапан» бөбекжай-балабақшасының тәрбиешісі, бастауыш кәсіподақ ұйымының төрайымы марапатталды.
Шымкент қалалық мәслихатының Алғыс хатымен:
• Абдинуров Малик Куттымбетұлы – Шымкент қалалық орта сапасы және бақылау басқармасы басшысының орынбасары, бастауыш кәсіподақ ұйымының төрағасы;
• Смаилова Айгерім Ерболқызы – Шымкент қаласының мәдениет, тілдерді дамыту және архивтер басқармасының «Шымкент-Цирк» мемлекеттік коммуналдық қазыналық кәсіпорнының әкімшілік-шаруашылық қамтамасыз ету бөлімінің меңгерушісі, бастауыш кәсіподақ ұйымының төрайымы марапатталды.
Осындай адал еңбегімен ел дамуына үлес қосып жүрген кәсіподақ мүшелері – еліміздің нағыз еңбек майталмандары.
Күн сайын еңбек ететін осы сала қызметкерлерінің қажырлы еңбегі – еліміздің өркендеуінің кепілі. Олардың жұмысы кейде көптің көзіне көрінбесе де, қоғамның тыныс-тіршілігі дәл солардың ерен еңбегіне тәуелді.
Бүгінде мемлекет тарапынан сала мамандарының кәсіби біліктілігін арттыру, әлеуметтік жағдайын жақсарту және еңбегін бағалау бағытында бірқатар бағдарламалар жүзеге асырылуда. Бұл – еңбек адамдарының қоғамдағы беделін көтеріп, жастарды адал еңбекке баулудың маңызды қадамы.
Қорыта айтқанда, әрбір сала маманының еңбегі – елдің өркендеуі мен болашағының кепілі. Еңбекқорлық пен адалдық – нағыз азаматтың қасиеті. Сондықтан қоғамдағы әрбір адамның еңбегі лайықты құрметке ие болуы керек.