Абай ауданы аумағындағы Темірлан тас жолы мен Мангелдин көшесі бойындағы кәсіпкерлік нысандарының карантин талаптарын сақтауы бойынша Абай ауданы әкімдігі және аудандық тауарлар мен көрсетілетін қызметтердің қауіпсіздігін бақылау басқармасы бірлесе мониторинг жасады.
Тексеру барысында талапты сақтамаған кәсіпкерлерге ескерту беріп, түсіндіру жұмыстарын жүргізді.
Ескерте кетейік, енді карантин талаптарын сақтамағандар жауапкершілікке тартылады. Жеке тұлғаларға 30 АЕК мөлшерінде, ал бизнес субъектілеріне 230 АЕК немесе одан да жоғары мөлшерде айыппұл салынатын болады.
Бүгінде коронавирус пандемиясы мен пневмония дертінің таралуына байланысты қалада бірқатар іс-шаралар орын алып жатыр. Және тұрғындардың қауіпсіздігі үшін әкімшілік мамандар тынбай жұмыс істеп сақтық шараларын ұлықтап жүр.
Абай ауданы аумағында 4 шағын аудан орналасқан. 672 көпқабатты тұрғын үй бар. Мұнда тек індеттен сақтану шаралары ғана емес, аудан аумағын көгалдандыру , абаттандыру жұмыстары да орын алып жатыр. Сонымен бірге, үй маңайындағы қоқыс алаңшаларына да көңіл бөлінуде.
Бүгін осы тұрғын үй ауласындағы қоқыс контейнерінің айналасындағы бей-берекет қоқыстарды тазарту жұмыстыры жүргізілді.
Сонымен қатар, қоқыс алаңшаларының айналасы залалсыздандырылып, ретке келтіру жұмыстары жүргізілді.