Түркістан облысында имамға қатысты шу шықты. Әлеуметік желіде уағыз айтып отырған имамның аяғын уқалап отырған 3 баланың видеосы тарады деп хабарлайды rgmedia.kz тілшісі. Имамның бұл әрекеті көпшіліктің ашуын туғызды. Анықталғандай бұл Сарыағаш қаласындағы Әбішұлы Сатыбалды мешітінде болған. Ал видеодағы ақсақал Сарыағаш медресе-колледжінің құрылтайшысы Әбжаппар Сманов.
Түркістан облыстық орталық мешіті өкілдері видеоға қатысты келесідей мәлімет таратты.
"Видеода Әбжаппар Смановтың аяғын 2-3 жас бала уқалап отырғаны көрінеді. Ол балалар медресе-колледж шәкірттері емес, өзінің туған немерелері екендігін мәлімдейміз. Атап айтқанда, балалардың бірі — үлкен ұлының баласы Хамза Закарияұлы, Дінмұхаммед Смановтың ұлы - Мехдат Дінмұхаммедұлы және жиені Талха Мұхтарұлы. Видео авторы жаман ниетте түсірмеген, ол азамат Сарыағаш медресе-колледжінің тәрбиешісі Нұрсұлтан Оспанов, - делінген ақпаратта.