Еліміздің үшінші мегаполисінде жұмысшы құқықтарын қорғайтын 414 бастауыш кәсіподақ ұйым жұмысі істейді. Бұл туралы бүгін Шымкент қаласың әкімдігі жұмысшылардың әлеуметтік мәселелерін Қазақстан кәсіподақтар федерациясы басшыларының ынтымақтастық меморандумына қол қою рәсімінде айтылды.
Қала әкімі Ерлан Айтаханов федерация төрағасы Бақытжан Әбдірайым және кәсіподақ ұйымының жетекшісімен болған кездесуде Кәсіподақтар федерациясы еңбек саласын жаңғыртуға бастамашы болуы тиіс екенін және жұмыс берушілермен бірге әлеуметтік бейімделуімен шұғылданатын қозғаушы күшке айналуы керек екенін атап өтті.
Өз кезегінде кәсіподақ федерациясының басшысы кәсіподақтар жұмысындағы негізгі қағида әлеуметтік әріптестік қағидаты екенін атап өтті.
– Бүгінде Кәсіподақтар федерациясы 2 миллионнан астам адамды біріктіріп отырған еліміздегі аса ірі қоғамдық ұйым. Өңірімізде жұмыс істеп жатқан 2 мыңнан астам бастауыш кәсіподақ ұйымдары, оның ішінде Шымкент қаласы бойынша 414 бастауыш кәсіподақ ұйымдары еңбек дауын шешуге, еңбекшілердің құқығын қорғауға, еңбек шарттары мен қауіпсіздігін жақсартуға ықпал етіп, жұмыс берушілер мен жұмыскерлер арасындағы басты медиатор болып отыр, – деді Б.Әбдірайым.
Ынтымақтастық аясында қос тарап алдағы уақытта еңбек дауы, еңбек қауіпсіздігіне байланысты туындаған мәселелерді бірлесіп шешетін болады.