Вильжан Дарибаев деген азамат Түркістан облысындағы Ордабасы ауданының атынан екінші лигада ойнайтын жаңадан құрылған «Темірлан» футбол клубының атауына қарсы. Бұл туралы ол пікірін әлеуметтік желіде білдірді деп хабарлайды RGMEDIA.KZ ақпарат агенттігі.
«Не мақсатпен команданың атын осылай қойды екен? Ойлары дұрыс шығар, бірақ ұлы адамның атын қорлағанын біле ме екен? Ол кісіні жау елдер осылай кемсітіп айтып еді. Қазағым Әмір Темір деген. Бастамаларыңды қолдаймын, білмеген шығарсыңдар, енді білдіңдер, сондықтан команданың атын өзгертіңдер. Әруақты қорламаңдар дегім келеді. Басқасынан жолдарың болсын» - деп Вильжан Дарибаев фейсбукте жазды.
