Бүгін Мақтаарал ауданындағы Мақта шаруашылығы музейінде облыстық мәслихат депутаттары мен «Ауыл» партиясы атынан сайланған облыстық мәслихат депутаты, фракция жетекшісі Салыбек Қайрат Келесұлы музей ұжымымен кездесіп, рухани мұра мен тарихи құндылықтарды сақтау бағытында пікір алмасты. Кездесу барысында музей қызметкерлері көне жәдігерлер мен өңір тарихынан сыр шертетін құнды экспонаттарды таныстырып, олардың маңыздылығы жөнінде кеңінен ақпарат берді.
Жиын барысында ұлттық құндылықтарды дәріптеу, тарихи мұраны келер ұрпаққа жеткізу және мәдени ошақтардың қоғамдағы рөлін арттыру мәселелері сөз болды. Кездесу өзара ой бөлісуге ұласып, музей жұмысының маңызын айқындай түсті.