Бүгін Бәйдібек ауданы, Шаян ауылында Ауыл партиясы Бәйдібек ауданы бойынша өңірлік филиалының төрағасы, аудандық мәслихат депутаты Ерболат Қалдарұлы Мырзабековтің бастамасымен Атамекен Ұлттық кәсіпкерлер палатасы өкілдерімен бірлесіп “Таза Қазақстан” акциясы ұйымдастырылды.
Акция аясында ауыл тазалығын сақтау, қоршаған ортаны қорғау және тұрғындар арасында экологиялық мәдениетті қалыптастыру бағытында жұмыстар жүргізілді. Игі шара барысында қатысушылар туған жердің тазалығы мен көркеюіне үлес қосып, ортақ жауапкершіліктің маңызын көрсетті.
Кездесу барысында экологиялық бастамаларды қолдау, елді мекендерді абаттандыру және қоғам белсенділігін арттыру мәселелері сөз болды. “Таза Қазақстан” акциясы – табиғатты аялау мен қоғамның бірлігін нығайтатын маңызды бастамалардың бірі екені атап өтілді.