Бір күнде 300 бетперде тігіп тегін таратты

тігінш.jpg

Созақ ауданының Созақ ауыл округінде тігіншілікті кәсіп еткен Жәмила Қанапина бір күнде 300 бетперде тігіп, ауыл тұрғындарына тегін таратты. Бұл туралы Аудандық төтенше жағдай жөніндегі штаб төрағасының орынбасары Бағдат Айдарбеков айтты, деп  хабарлайды RGMEDIA.KZ ақпараттық агенттігінің тілшісі.

– Осындай қиын сәтте, қайырымды іс жасап отырған Жәмила Айдарбекқызына үлкен ризашылығымды білдіремін, – деді Бағдат Айдарбеков. 

– Қазір көп жерде медициналық бетперде табу қиындық тудырып отыр. Бағасы да шарықтап барады. Ел басына осындай қиын іс түскенде, халықпен бірге болып, қолымнан келетін кәсібімді пайдалы іске жұмсауды, көпшілікке жәрдемдесуді мақсат еттім. Енді мата жеткізіліп берілсе, тегін тігіп халыққа таратсам деймін, – деді Жәмила Айдарбекқызы.

маска.jpg

Аудандық орталық аурухананың бас дәрігері Талғат Әлішерұлы Жәмиләнің қолынан шыққан бетперделерді бір рет қана емес, жуып-жуып бірнеше рет пайдалануға болатынын айтады. Ал, Созақ ауыл округінің әкімі Батырхан Аяпов кәсіпкерлерді ұйымдастырып, тігіншіні матамен қамтамасыз етуге, басқа да қолынан тігіс тігу келетін ауылдастарын қайырымды істі жалғастыруға шақырды. 

тцех.jpg


Мүмкін сізді қызықтыратын тақырыптар:

  • Бозайдың шәкірттері қашықтан білім алуға дайын
  • Азық-түлік-тұрмыстық жиынтығы берілуде
  • 42500 теңгені 540 мыңнан астам азамат алды
  • Құрбандықты онлайн шаласыз
  • «Әзірет Сұлтанның» күмбезі қайта жаңғыртылды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер