Сауран ауданы әкімінің өкімімен төтенше жағдайдың алдын алу мақсатында арнайы жұмысшы топ құрылған болатын. Аталмыш жұмысшы топ бүгін Майдантал ауылдық округі аумағында болып, су тасқынына қарсы тексеру жұмыстарын жүргізді.
Қысқы маусымға дайындық шаралары, су тасқынының алдын алу бағытындағы мәселелер талқыланды. Сонымен қатар, аудан әкімінің төтенше жағдайдың алдын алу бойынша берілген тапсырмалардың орындалуы, ауылдық округтердің қысқы маусымға дайындығы, арық-атыздарды кеңейту, құмдар мен қапшықтарды дайындау және су тасқынының алдын-алу бағытындағы жұмыстардың орындалуы пысықталды.