Төлеби ауданында су электр станциясы іске қосылды

 

ac13cc55-2f25-4cbc-be60-9f7df36a6303.jpg

 

Түркістан облысының әкімі Өмірзақ Шөкеев Төлеби ауданына жасаған сапары барысында өңірдегі өнеркәсіп, кәсіпкерлік нысандарының тыныс-тіршілігімен танысты.


Облыс әкімі бастаған топ Көксәйек ауылдық округіндегі «Keremet agro Group» ауылшаруашылық өндірістік кооперативінің жұмысшыларымен кездесті. Шаруа қожалығы 40 гектар жерде 100 мың түп алма ағашын отырғызып, алғашқы жемісін көруде. Жалпы Төлеби ауданында жаңа технологияларды ендіру арқылы өнім көлемін едәуір арттыру көзделген. Сондай- ақ, жылына екі рет өнім жинау мәселесі қолға алынған. Бұдан кейін аймақ басшысы 20 жылдан бері нарықта тұрақты орын алған «ФудМастер-Шымкент» ЖШС-інде болды.


Компания тәулігіне 58 тоннаға жуық айран, сүт, қаймақ өнімдерінің 100-ден астам түрін шығарады. Оның жартысына жуық түрі шетелге экспортқа шығарылады. Аймақ басшысы жеке кәсіпкердің демеушілігімен салынып жатқан спорттық-сауықтыру кешенінің құрылыс жұмысымен де танысты. Жақын күндері бұл жерде қазақ күресі, грек-рим, еркін күрес, футбол, бокс үйірмелері ашылады. Өмірзақ Шөкеев жұмыс сапары барысында Төлеби ауданындағы Кеңес-1 КСЭС шағын су электр станциясының ашты. Қасқасу ауылдық округі аумағында орналасқан жаңа мекеме «KEGOК» АҚ-мен келісімшартқа тұрып, болашақта 4,5 МВт-қа дейін электр қуатын өндіруді жоспарлап отыр. Осылайша ауданның экономикасын көтеріп, қуат көзімен қамтуға үлес қоспақ.


 


Мүмкін сізді қызықтыратын тақырыптар:

  • Ауданда мониторинг жүргізілді
  • Түлкібас: Орталықтандырылған кәріздік жүйе жаңарады
  • Қазығұрт: Егіс алқаптарында жұмыс қызып тұр
  • Түлкібас: Кәсіпкерлік ауданды алға ілгерілетеді
  • Түлкібасты жергілікті өндіріс көлемін арттыру әлеуметтік-экономикалық маңызы бар мәселелердің бірі.
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер