Балалар тарихи орындарды аралады

Screenshot_13.jpg

Түркістан облысының құрылғанына бір жыл толуына орай облыстық білім басқармасының және облыстық қосымша білім беруді дамыту орталығының ұйымдастыруымен Елбасының «Болашаққа бағдар: рухани жаңғыру» бағдарламалық мақаласы аясында «Облыс тарихы» атты тақырыпта керуен шеру өтті.

Облыстық білім басқармасының бас маманы Зүбайра Алтаеваның айтуынша оған 6,7 және 8 сыныпта оқитын ата анасының қамқорлығынсыз қалған жетім және жартылай жетім балалар қатысты. Керуен шеру 5  күнге созылды. Алғашқы күні жасөспірімдер «Әзірет сұлтан» мемлекеттік тарихи мәдени қорық музейінің тыныс тіршілігімен танысты. Одан әрі Кентау қаласына қарай жол тартып,  Қаратау бөктеріндегі Үкаша ата кесенесіне зиярат етті. Сонымен қатар Түркістан қаласындағы «Жеңіс» саябағында өткізілген түрлі ойын сауық шараларына қатысты. Шығармашылыққа бейім балалар табиғат аясында сурет салды.

Үшінші күні Отырар ауданына қарай бағыт алып, Арыстан баб,  Ақсейіт төбе, Артық ата, Қауған ата, Сағындық ата кесенелеріне зиярат етті. Оқушылар рухани астанадағы  Қ.Ясауидің,  Есім ханның, Гауһар ананың,  Рәбия сұлтан бегімнің кесенелеріне саяхаттап, киелі орындарды аралады. 

Ертеңіне балалар Сауран қалашығына қарай бет алды. Бұл тарихи мекеннің әлі талай құпияны ішіне бүгіп жатқанына көз жеткізді.

Ал соңғы күндері «Бір мезетте Тұран тұлғасы» атты тақырыпта шығармашылық  жобалар сағаты ұйымдастырылды. Онда мектептер жанынан ашылған жазғы сауықтыру лагерлеріндегі балалар өздерінің ойларында жүрген жобаларын көпшілік назарына ұсынды. 


Мүмкін сізді қызықтыратын тақырыптар:

  • «Әлмерек Жаншықұлы және оның өнегесі» атты жыр мүшәйрасы
  • Ерекше балаларға ерекше қолдау керек
  • Жетісайда өнертапқыштар сайысты өтті
  • Ата-аналар үшін тренинг өтті
  • Сайрам ауданында оқушылардың іріктеу пікірсайысы өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер