Ордабасы ауданы бойынша ортақ жайылымдық жерлер көлемі ұлғаймақ

ҚР Президенті Қасым-Жомарт Тоқаевтың Үкіметтің кеңейтілген отырысында елді мекен тұрғындарын мал жайылатын жайылымдық жерлермен қамтамасыз ету тапсырмасына сәйкес, осы жылдың ақпан айында Ордабасы ауданындағы ортақ жайылымдық жерлер көлемін 5000 гектарға ұлғайту бойынша қадамдық жоспары (алгоритм) бекітілді.

image.png

Аудан әкімдігінің өткен жылдың 31 желтоқсанындағы №606 қаулысына сәйкес, ауданның арнайы жер қоры есебінен бекітілген ортақ жайылымдық жерлер көлемі 8679 гектарды құраған.

Жалпы ауданы 1877 гектар жер игерілмеген және мақсатына сәйкес пайдаланылмаған жайылымдық жер телімдері аудандық прокуратураның ұсынысы негізінде Ордабасы ауданы әкімдігінің биылғы 3 наурыздағы №119 санды қаулысымен аудандық қорға қайтарылып, аудан әкімдігінің 21 мамырдағы №277 қаулысымен ортақ жайылымдық жер ретінде бекітілді.

Қазіргі таңда, аудан көлемінде ортақ жайылымға бекітілген жер көлемі – 10 556 гектарды құрап отыр. Сонымен қатар, елді мекендерге жақын орналасқан жайылымдық жер пайдаланушылармен келіссөздер жүргізіліп, аудан әкімдігінің 18 маусымдағы №348 қаулысымен жалпы ауданы 1396,16 гектар жайылымдық жерлер мен аудан әкімдігінің 30 маусымдағы №377 қаулысымен 1157,8 гектар, жалпы алғанда 2553,96 гектар жайылымдық жерлерді жер пайдаланушылар өз еріктерімен аудандық қорға қайтарылды.

Аталған жер телімдері аудан әкімдігінің келесі отырысында ортақ жайылымдық жерлер ретінде бекітіліп, ортақ жайылымдық жерлер көлемі 13109,96 га құрайтын болады.

Сондай-ақ, биыл аудандық прокуратурасымен бірлесіп бекітілген іс-шара жоспарына сәйкес қосымша 3134 гектар жайылымдық жерлерді қайтарып, ортақ жайылымға бекітіп беру жоспарлануда.

Мүмкін сізді қызықтыратын тақырыптар:

  • «Әлмерек Жаншықұлы және оның өнегесі» атты жыр мүшәйрасы
  • Ерекше балаларға ерекше қолдау керек
  • Жетісайда өнертапқыштар сайысты өтті
  • Ата-аналар үшін тренинг өтті
  • Сайрам ауданында оқушылардың іріктеу пікірсайысы өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер