Жақсылық жаса: Түркістандағы көпбалалы медицина қызметкерлеріне көмек көрсетілді

Түркістан облысында көпбалалы және тұрмысы төмен медицина қызметкерлеріне қайырымдылық жасалды. «Тұңғыш президент» күні қарсаңында облыстық денсаулық сақтау ұйымдары жұмыскерлерінің кәсіподағы аудан-қалалардағы ауруханаларға барып, медицина қызметкерлеріне  ең қажетті деген азық-түлік себеттерін  таратты. 

image.png

Облыстық қоғамдық денсаулық басқармасы мен «Densaulyq» медицина  қызметкерлерінің  жергілікті кәсіподағы  бірлесіп ұйымдастырған қайырымдылық шара Түркістан қаласында өтіп, онда медициналық мекемелерде жұмыс істейтін көпбалалы және жалғызбасты аналар мен тұрмыс деңгейі төмен қызметкерлер шақырылды. Оларға ең қажетті деген азық-түліктер үлестірілді. 

- Мен жалғызбасты анамын, алимент алмаймын. Үкіметтен де көмек алмаймын. Тек жұмыстан айлық аламын, ол айлықпен балаларымды асырау қиын маған. Үлкен қызым студент. Кәсіподаққа рахмет үлкен, бізге қолдау көрсетіп, мұның өзі бізге үлкен көмек. Мұны да аламайтын кезіміз болады кейде, - дейді көпбалалы ана Мөлдір Сәрсенбаева. 

Сондай-ақ, кәсіподақ қызметкерлері бұл күні Түркістан қаласындағы медицина колледжінің студенттеріне арнайы стипендия тағайындап, сертификаттарын табыстады. Оқуда озат және белсенді жастарды қолдап, оларға бір жыл көлемінде стипендия аударып отыратын болды. Айта кетейік, медицина саласында еңбек етіп жүрген әрбір қызметкердің тұрмыстық жағдайына бей-жай қарамайтын кәсіподақ ұйымы ағымдағы жылы баспанасы өртенген және  өндірістік жарақат алған қызметкерлерге де материалдық көмек көрсетті. Ал, пандемия кезінде науқастарды емдеймін деп, өздері бақилық болған дәрігерлер мен медбикелердің, тазалық қызметкерлері мен жүргізушілердің отбасыларына 100 мың теңгеден материалдық көмек берді. 

- Медицина ұйымдарындағы өзіміздің мүшелеріміздің көпбалалы, әлеуметтік жағдайы төмен отбасыларының жағдайы туралы мәліметтер жинап арқылы оларға жыл сайын азық-түлік себеттерін таратып отырамыз. Одан бөлек, тқрмысы төмен отбасылардың балаларына мектеп формаларын тарату мақсатында  «Мектепке жол» акциясын да ұйымдастырып отырамыз,- дейді  «Densaulyg» медицина  қызметкерлері  жергілікті кәсіподағының төрағасы Сәкен Катбаев.  

image.png

Еліміздегі карантиндік ахуалды ескере келе денсаулық сақтау ұйымдары жұмыскерлерінің кәсіподағы өңірдегі медицина қызметкерлеріне осылайша жан жақты қолдау көрсетіп келеді. Оларға тек азық-түлік таратып қана қоймай,  көпбалалы және жалғызбасты аналарға да қол ұшын созып келеді. Ақ халатты абзал жандардың шипажайларда демалып, денсаулықтарын жақсартуларына да көңіл бөлінуде.

Мүмкін сізді қызықтыратын тақырыптар:

  • Қазақстандық шенеунік ауыр жарақат алды
  • Экс-шенеунік оппозициялық үкімет құратынын айтты
  • Түркістан облысы тұрғындар денсаулығын жақсартуда елімізде көш бастап тұр
  • Соңғы тәулікте 1180 адам коронавирус жұқтырды
  • Жедел жәрдем көліктері толығымен жаңарады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер