Түлкібас ауданында еріктілер есебінен тігілген 4000 дана медициналық бетперде мүмкіндігі шектеулі жандар мен тұрмысы төмен отбасыларға және халықпен етене жұмыс жүргізетін мекеме қызметкерлеріне таратылды.
Атап айтқанда, қамқорлық бағдарламасына қатысушы 93 жанұяның 540 отбасы мүшесіне және 500 ден астам мүмкіндігі шектеулі жандарға үйме-үй үлестірілді. Тарату жұмыстарына ауданымыздың ерікті жастары тартылып, аудан әкімдігінің мәдениет және тілдерді дамыту мен жұмыспен қамту және әлеуметтік бағдарламалар бөлімдерінің мамандары ат салысты.
Шара барысында «Қамқорлық» жобасына қатысушы отбасыларға бірінші кезектегі қажетті азық-түлік жинақталған қорабтар табысталды.
Бетперделерді тігуде қол ұшын созған ауданымыздың ерікті тұрғындары мен кәсіпкерлеріне және білім ұяларындағы еңбек пәнінің мұғалімдеріне алғыс білдіреміз!
#BizBirgemiz #stopcovid19_Turkistan