Шығыс Қазақстан облысында ЖРВИ-мен ауыратындар саны артып келеді, деп хабарлайды ҚазАқпарат сайтына сілтеме жасаған RGMEDIA.KZ.
2020 жылдың қаңтар айында өңір бойынша жедел респираторлық-вирус инфекциясына шалдыққандар біршама көбейген. Бұл жайлы ШҚО Денсаулық сақтау басқармасы басшысының орынбасары Владимир Ли мәлімдеді.
«Облыста қаңтардың екінші онкүндігіндегі жағдай бойынша ЖРВИ-мен ауыратындар саны – 7 106 адам. Оның ішінде Өскемен қаласында – 1 433 факті тіркелді. Бұл көрсеткіш былтырғы кезеңмен салыстырғанда 23 пайызға көп», - дейді Владимир Ли.
Естеріңізге сала кетсек, осыған дейін Шығыс Қазақстан облысы Алтай қаласындағы 5 мектепте ЖРВИ-дің өршуіне байланысты карантин жарияланғандығы хабарланған болатын.
