Шымкентте жалпы сомасы 6,5 млрд. теңгеге салық төлеуден жалтару мақсатында 31 «бір күндік фирмалар» арқылы жалған шот-фактураларды жүзеге асырумен айналысқан қылмыстық топ құрықталды. Бұл туралы бүгін қала прокурорының бірінші орынбасары Манас Сабаншиев айтты деп хабарлайды rgmedia.kz ақпараттық порталының тілшісі.
– Өткен жылдың он екі айында 231 тексеру мен талдау нәтижесінде 36 мың 854 тұлғаның конституциялық құқықтары қорғалды. Сондай-ақ, жалпы сомасы 6,5 млрд. теңгеге салық төлеуден жалтару мақсатында 31 «бір күндік фирмалар» арқылы жалған шот-фактураларды жүзеге асырумен айналысқан қылмыстық топ құрықталды. Нәтижесінде прокуратураның бастамасы негізінде басталған сотқа дейінгі тергеп-тексеру істері бойынша мемлекетке 88 млн. теңге шығынды өндіру қамтамасыз етілді. 231 тексеру және талдау нәтижесінде мемлекетке 585 миллион. теңге өндірілді, – деді Манас Мәжітұлы қалалық ақпараттық коммуникациялық орталығында берген брифингінде.