Бүгін сағат 13:00-де Қазақстан Президенті Қасым-Жомарт Тоқаев телеарналар арқылы тікелей эфирде үндеу жариялайды. Бұл туралы Президенттің баспасөз хатшысы Берік Уәли фейбуктегі парақшасында жариялады.
«Бүгін, 9 сәуірде Нұр-Сұлтан қаласының уақыты бойынша сағат 13.00-де Мемлекет басшысы Қасым-Жомарт Тоқаев республикалық телеарналар арқылы Қазақстан халқына үндеу жариялайды» деп жазды ол.
Осының алдында ғана Ақорда «Мемлекет басшысы Қасым-Жомарт Тоқаев «Nur Otan» партиясы Төрағасының бірінші орынбасары Мәулен Әшімбаевты, Қазақстанның «Ақ жол» демократиялық партиясының төрағасы Азат Перуашевті, Қазақстан коммунистік халық партиясы Орталық Комитетінің хатшысы Айқын Қоңыровты, «Ауыл» халықтық-демократиялық патриоттық партиясының төрағасы Әли Бектаевты қабылдады», деп хабарлаған болатын.