Келес ауданы Қошқарата ауылдық округі, Алғабас елді мекенінде орналасқан “Құлмұрат Ата” өндірістік кооперативінде маңызды кездесу өтті. «Ауыл» партиясының Келес ауданы бойынша аумақтық ұйымының төрағасы Сапаров Әбубәкір Төлегенұлы кооператив төрағасы Керимбердиев Ерболмен кездесіп, шаруашылықтың бүгінгі тыныс-тіршілігімен танысып, пікір алмасты.
Кездесу барысында кооперативте пияз, қырыққабат, сәбіз секілді көкөніс дақылдарын өсіру жұмыстары, өнім көлемін арттыру мен ауыл шаруашылығын дамыту бағыттары сөз болды. Сонымен қатар, еңбек адамдарының жұмысы мен аграрлық саланы қолдау мәселелері талқыланып, алдағы жоспарлар пысықталды.