Бүгін Түркістан қаласында республикалық “Таза Қазақстан” экологиялық акциясы аясында ағаш отырғызу шарасы өтті. Игі бастамаға “Ауыл” партиясының Түркістан қаласы бойынша аумақтық ұйымының төрағасы, облыстық ардагерлер кеңесі төрағасының орынбасары, облыстық қоғамдық кеңес мүшесі Бақытжан Сұлтанұлы Раманкулов және “Ауыл” партиясының Түркістан облысы бойынша өңірлік филиалының кеңесшісі Бимбетов Нұрсұлтан Биосынұлы белсенді жастармен және “Қазақ аналар, дәстүрлі жол” қоғамдық бірлестігінің әжелерімен бірге қатысып, тал көшеттерін отырғызды.
Шара барысында табиғатты көркейту, қоршаған ортаны жасыл желекпен көмкеру және экологиялық мәдениетті қалыптастыру бағытында маңызды жұмыстар атқарылды. Ағаш отырғызу – келер ұрпаққа көрікті әрі таза орта қалдыруға бағытталған игі іс екені айтылып, акцияның маңызы ерекше аталып өтті.