Бүгін “Ауыл” партиясының Мақтаарал ауданы бойынша аумақтық ұйым төрағасы, аудандық мәслихат депутаты Бексұлтан Абзал Ермаханұлы Бірлік ауыл округіне қарасты Қ. Пернебаев ауылындағы “Жандос” шаруа қожалығына арнайы барып, қожалықтың жұмыс барысымен танысты.
Кездесу барысында мемлекет басшысы Қасым-Жомарт Кемелұлы Тоқаевтың халыққа арнаған Жолдауы кеңінен талқыланды. Ел Президентінің алға қойған басым бағыттары, ауыл шаруашылығын дамытуға арналған бастамалары, ауыл еңбеккерлері үшін аса маңызды екені сөз болды.
Қожалық төрағасы Биболов Сабит Абдусаттарұлы биылғы жылы “Лазер” сұрпындағы күріш егіліп, гектарынан 50-60 центнер өнім алынғанын атап өтті. Қазіргі таңда қожалықта 80-нен астам адам тұрақты жұмыспен қамтылған.
Шаруашылық басшысы депутатқа өз ризашылығын білдіріп, алдағы жоспарларымен бөлісті.