«Ауыл» партиясының Бәйдібек ауданы бойынша аумақтық ұйымының төрағасы, аудандық мәслихат депутаты Ерболат Қалдарұлы Мырзабеков Мыңбұлақ ауылдық округіне қарасты Мәдениет ауылында орналасқан асыл тұқымды қой шаруашылығын дамытып отырған “Талғат” және “КЗ Дұман” шаруа қожалықтарында болды.
Сапар барысында қожалық жетекшілері Әнуаров Балтабай және ұлы Әнуаров Сәбит мал басын асылдандыру бағытында жүргізіліп жатқан жұмыстарымен таныстырып, «Ауыл» партиясының қатарына қосылу жөніндегі ниеттерін білдірді.
Ерболат Қалдарұлы партияның облыста атқарып жатқан жұмыстары туралы ақпарат беріп, олардың өтініштерін қабылдады. Сонымен қатар ауданның мал тұқымын асылдандыру ісіне қосқан елеулі үлестерін атап өтіп, партияның 25 жылдық мерекелік медальдарын табыстады.
Ауыл еңбеккерлерінің тынымсыз еңбегі мен ауыл шаруашылығын дамытудағы үлесі — ауданымыздың өркендеуінің негізгі тірегі.