Елімізде қыз алып қашқандарға қандай жаза қолданылады? Бұл сауалға Ішкі істер министрінің орынбасары Игорь Лепеха Мәжіліс кулуарында жауап берді.
— Адам ұрлауға байланысты нормалар қолданыста бар. Бұл жерде асыра сілтеуге тағы болмайды. Өйткені кейде екі тараптың келісімімен жасалған жай ғана дәстүрді орындау болуы мүмкін. Ал кейде тұрмысқа шығуға мәжбүрлеу, көндіру фактілері кездесіп жатады. Ондай жағдайда жауапқа тартылу керек. Қазір адам ұрлау бабы бар. Бәлкім редакциясын сәл түзету керек шығар, — деді ол.