Нан бағасы өсе ме?

Screenshot_6.jpg

Ауыл шаруашылығы бірінші вице-министрі Айдарбек Сапаров Орталық коммуникациялар қызметінде өткен баспасөз мәслихатында астық өнімділігінің азаюына байланысты нан бағасының өсуі мүмкін деген болжамға жауап берді, деп хабарлайды Oinet.kz тілшісі BAQ.KZ - ке сілтеме жасап

«Егер нан бағасы туралы айтар болсақ, әзірге тұрақты. Әлеуметтік бір бөлке нан бағасы – 78 теңгеден 85 теңгеге дейін. Астық бағасы көтерілген жағдайда ӘКК механизмдері енгізіледі. Тіпті оған әкімдіктер мен азық-түлік корпорациясының тұрақтандыру қорлары қатысады. Нан бағасының өсуі туралы айтуға әлі ерте. Әзірге астық жинау науқаны жүріп жатыр. Бізге әлі шамамен 20% жинау қажет. Жағдайды бақылауда ұстап отырмыз», - дейді Ауыл шаруашылығы бірінші вице-министрі Айдарбек Сапаров.

Сапаров баспасөз мәслихатында баға айтарлықтай өспейтініне уәде беріп, әлеуметтік нан бағасы бұрынғыдай қалатынын айтты.

«Тіпті солай болса да, айтарлықтай баға өспейді. Бірақ әлеуметтік нан бағасы бұрынғыша қалады. Бүгінде әкімдіктер тұрақтандыру қорларына ұн сатып алып жатыр. Әлеуметтік нанға байланысты мәселе көріп тұрғанымыз жоқ», - деді ауыл шаруашылығы бірінші вице-министрі.

Бұған дейін Ауыл шаруашылығы бірінші вице-министрі Айдарбек Сапаров Орталық коммуникациялар қызметінде өткен баспасөз мәслихатында ауа райына байланысты егін жинау науқаны өте қиын жағдайда өтіп жатқанын айтқан болатын.

Мүмкін сізді қызықтыратын тақырыптар:

  • Биыл қар әдеттегі нормадан 2 есеге көп түскен
  • Көшпелі форматтағы қоғамдық қабылдаулар көбейіп келеді
  • Қарағандылық уланған балалардан ішек инфекциясы табылмады – Министр Ажар Ғиният
  • Қарағандыда балалар уланған орталықтың басшысы мен 12 қызметкер жұмыстан шеттетілді
  • Қазақстанның бірнеше аймағында жанармай тапшылығы туындады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер