АҚШ президенті Дональд Трамп Ақүйде өткен баспасөз мәслихатында 180-нен астам елге жаңа сауда тарифтерін енгізетінін мәлімдеді деп жазады rgmedia.kz тілшісі. Олардың қатарында Қазақстан да бар. Бір қызығы тізімде бұрынғы Кеңес Одағының басқа да мемлекеттері болғанымен Ресей жоқ.
Трамп осылайша шетелдік мемлекеттердің бұрын АҚШ тауарларына жоғары салықтар салғанына жауап бергенін айтты. Оның сөзінше, жаңа механизмге сәйкес, АҚШ өзіне қарсы қолданылған тарифтердің жартысына тең мөлшерде баж салығын енгізеді.
“Біз енді басқалар пайдаланатын ел болғымыз келмейді. Бұл шаралар америкалық өнеркәсіп пен жұмыс орындарын қорғауға бағытталған”, – Трамп.
АҚШ президенті әр түрлі елдерге арналған есептеулер көрсетілген кестені таныстырды. Кей мемлекеттерге енгізілген баж салығының мөлшері 50%-ға дейін жетеді.
Айта кетеу керек, Қазақстан жоғары тарифтер енгізілген елдердің қатарында. Қазақстанға осы өңірдегі ең жоғары мөлшерлемелердің бірі – 27% белгіленді.
Молдова – 31%;
Қазақстан – 27%;
Армения – 10%;
Әзербайжан – 10%;
Грузия – 10%;
Өзбекстан – 10%;
Түрікменстан – 10%;
Қырғызстан – 10%;
Тәжікстан – 10%.