Шымкенттіктер қаражатының мақсатты жұмсалуын бақылай алады

Screenshot_2.png

Бұдан былай шымкенттіктер бюджет қаражатының мақсатты жұмсалуын бақылай алады. Бұл туралы «ANTIKOR.LIVE» жобасы аясындағы тікелей эфир барысында Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бірінші орынбасары Талғар Серікбаев айтты.

Онлайн шарада «Ашық бюджеттердің интерактивті картасының жұмысы мен оның қолдану барысы таныстырылып, аталған карта халық үшін қолжетімді және түсінікті бюджет шығындары туралы маңызды мәліметтерді және қоғамдық бақылаудың тиімді тетігі екендігі айтылды.

Т.Серікбаевтың айтуынша тұрғындар бюджетті бақылап қана қоймай, қаражатты бөлу бойынша ұсыныстар да енгізуге мүмкіндіктері бар.

Қазіргі уақытта Картада Шымкент қаласы бойынша 389 ұйым орналастырылды, 282 млрд.теңгеден астам сомаға 600-ден астам бюджет жарияланды.

«Бюджеттердің ашықтығы бүгінде өте өзекті және тек мемлекеттік органдардың ғана емес, жалпы азаматтық қоғамның назарын талап етеді. Осы ретте әр азаматтың белсендігі өте маңызды» — дейді спикер.

Сондай-ақ, ол жергілікті бюджеттердің ашықтығына жүргізілген зерттеулердің көрсеткіштеріне тоқталды.

Тікелей эфир барысында «Шымкент-адалдық алаңы» жобалық кеңсесінің басшысы Жани Қамбар көрермендер үшін publicbudget.kz платформасын пайдаланудың қадамдарын онлайн түрде көрсетті.

«Мысалы, білім саласында қандай да бір өтініш немесе шағым болса азаматтар интерактивті карта сайтына кіріп (www.publicbudget.kz), картадан нысанды тауып, тиісті пікір қалдыра алады. Барлық хабарламалар шара қабылдайтын қызметкерлер тарапынан қадағаланады», – дейді Жани Қамбар.

Айта кетейік, «Ашық бюджеттердің интерактивті картасы» (www.publicbudget.kz) әлеуметтік нысандар мен инфрақұрылым бюджетін пайдалану тиімділігін бағалау мақсатында енгізілген.


Мүмкін сізді қызықтыратын тақырыптар:

  • Өзбекстанда М.Әуезов атындағы ОҚУ-дің филиалын ашу жайлы кездесу өтті
  • Үміт үзбе
  • «Ақжар» қосалқы станциясы келесі жылы пайдалануға беріледі
  • Қала әкімі «Көмеш бұлақ» базары аумағындағы автотұрақты көшіруді қолдады
  • Қала әкімі Үндістан Республикасының елшісімен кездесті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер