Қазіргі таңда коронавирус пандемиясына байланысты барлық қызмет көрсету орталықтары, мемлекеттік мекемелер қашықтықтан жұмыс істеуде. Осы төтенше жағдайға сәйкес Шымкент қалалық мемлекеттік архиві әдістемелік көмекті қашықтықтан беруде.
Бүгінгі күннің талабына сәйкес, яғни елімізде төтенше жағдай енгізілуіне байланысты жоғары санатты архивисі Қарашаш Елекеева жинақтау көзі тізіміндегі мекемелерге іс жүргізу мен архив ісіне жауапты мамандардың біліктілігін арттыру мақсатында қашықтықтан әдістемелік көмек көрсетуде.
Солардың бірі «ҚР Ауыл шаруашылығы министрлігі бақылау және қадағалау комитетінің Шымкент қаласы бойынша аумақтық инспекциясы» мемлекеттік мекемесінің бас маман, архивке жауапты маманы Гулнар Нуртаеваға қашықтықтан көмек қолын созды. Қарашаш Елекеева мекемелердегі іс жүргізуді және архив жұмысын ендірудегі негізгі қағидаларын, нормативтік-құқықтық актілерімен, мекемедегі құжат айналымы, істерді қалыптастыру жұмыстары бойынша түсіндірме жұмыстары қаралды. Сонымен қатар, құжатты рәсімдеу, істер номенклатурасын құру, сараптау комиссиясының жұмысын ұйымдастыру туралы жан-жақты түсіндіріп, жалпыға ортақ құжаттар бойынша әдістемедік көмек көрсетілді. Себебі, елімізде бұрын жаппай қашықтықтан жұмыс істеу режимі қолға алынбағандықтан бұл сәтте бірге екендігімізді еске алып сын сәтте қолдау білдіру ауадай қажет.