«Осындай ауыр кезеңде мен барлық қазақстандықтарды ел Президенті Қасым-Жомарт Тоқаев пен Үкімет тарапынан іске асырылып жатқан шұғыл шараларды қолдауға шақырамын. Ел билігі коронавирустан қорғану үшін оның алдын алуға бағытталған кешенді шаралар қабылдады. Бұл ретте төтенше жағдайдың жариялануы – маңызды және қажетті қадам». Бұл Елбасы Н.Назарбаевтың елдің игі жақсыларына төтенше жағдай кезінде халыққа қолдау көрсету керектігін айтқан Үндеуі болатын. Тұңғыш Президенттің Үндеуіне құлақ асқан шымкенттік кәсіпкер, "ЗЕРДЕ" ЖШС басшысы Мұхтар Битемиров төтенше жағдай кезінде қызметкерлерін жұмыстан қысқартпайтынын жеткізді.
- Қиындықта қол ұшын беру - игі дәстүр. Елбасы Н.Ә.Назарбаев Қазақстан халқына жолдаған үндеуінде осылай деді. Сонымен қатар компания иелері өздерінің қоластында еңбек етіп жүрген жандарға қаржылай да, моральдық тұрғыдан да жәрдемдеседі деп сенім білдірді. Біз қазір осы сенімді ақтау бағытында жұмыс жүргізіп жатырмыз. Қызметкерлер жұмыстан қысқартылмайды. Оның үстіне жалақыларында уақытылы алып отыратын болады. Еліміздің басына осындай күн туғанда бірлігіміздің мекем болуы маңызды. Мен жерлестерімізді замандас, ағайын-туғанды татулыққа шақырамын».