Үшінші мегаполисте ерекше субұрқақ бар. «Shymkent City» саябағында жуырда іске қосылған музыкалық субұрқақ жаңа технологиямен толықты. Енді мұнда Қазақстан мен Шымкенттің көрікті орындары бейнепроекция арқылы көрсетіледі.
Субұрқақ 180 арнамен басқарылатын жүйеге негізделген. Жиілік түрлендіргіштері бар сорғылар робот-форсункалар арқылы судың қысымын дәл реттеуге мүмкіндік береді. Су ағынының биіктігі 3-тен 25 метрге дейін жетеді.
Нысан 7 түрлі контурдан тұрады. Әр контурда өзіндік су динамикасы мен көптүсті жарықдиодты жарықтандыру қарастырылған.
Музыкалық шоу күн сайын кешкі уақытта жүргізіледі.
